ჰიტორი ნი თბილისელი თვითნასწავლი ფოტოგრაფის ომარ გოგიჩაიშვილის ფსევდონიმია. თავის შემოქმედებაში ის ძირითად ყურადღებას უთმობს ქართულ ახალგაზრდულ კულტურას, სუბკულტურასა და ღამის ცხოვრებას. ნამუშევრების მთავარი გმირები არიან ახალგაზრდა თაობა, მეგობრები, ნაცნობები, ადამიანები, რომლებიც წარმოადგენენ თავისუფალ საქართველოს, არ იზიარებენ სტერეოტიპიზებულ ტრადიციულ ღირებულებებსა და ნორმებს. მის ფოტოებზე ხშირად აღბეჭდილია ქალაქის აქტიური ღამის ცხოვრება.
ჰიტორი ნის პროექტები მოიცავს ფოტოებს, განათებას, ვიდეოექსპერიმენტებს, პერფორმანსებს. მისი ნამუშევრები წარმოდგენილი იყო თბილისის საერთაშორისო ფოტოფესტივალზე „ქოლგა”.
წარმოდგენილი სერია ასახავს პირად სივრცეებში გადაღებულ კადრებს, ახალგაზრდებს; მეგობრული წრის სხვადასხვა ეპიზოდს და საქართველოს უახლეს ისტორიას.